ჩვენ შესახებ
შპს "აისი“ ფლობს და მართავს ახალქალაქის ჰიდრო ელექტრო სადგურს, რომელიც მდებარეობს სამცხე-ჯავახეთის რეგიონში, ახალქალაქის მუნიციპალიტეტში. პროექტის უმსხვილეს აქციონერებს წარმოადგენენ კავკასიის განახლებადი ენერგიის ჰოლდინგი (CCEH) და Landsvirkjun Power ("LVP").
კავკასიის განახლებადი ენერგიის ჰოლდინგი (CCEH) არის საერთაშორისო საინვესტიციო ჰოლდინგური კომპანია, რომელიც დაარსდა 2015 წელს და საქართველოში წარმატებული ოპერირების მრავალწლიან ისტორიას ითვლის. ჰოლდინგის ინვესტორებს წარმოადგენენ ცნობილი საფინანსო ინსტიტუტები დასავლეთ ევროპის ქვეყნებიდან და ამერიკის შეერთებული შტატებიდან.
Landsvirkjun Power ("LVP") წარმოადგენს ისლანდიის ყველაზე მსხვილ სახელმწიფო ენერგიის მწარმოებელ კომპანიას. LVP-სთვის ახალქალაქი ჰესის პროექტი წარმოადგენს ისლანდიის ფარგლებს გარეთ განხორციელებულ პირველ ინვესტიციას.
ახალქალაქი ჰესის სამშენებლო სამუშაოები დაიწყო 2020 წელს (სექტემბერი) და წარმატებით დასრულდა 2022 წელს (ნოემბერი). ახალქალაქი ჰესის დადგმული სიმძლავრე შეადგენს 9.1 მეგავატს.
ახალქალაქის ჰესი
ახალქალაქის ჰესი (ახალქალაქი 1 და ახალქალაქი 2), მცირე ზომის, მდინარის მოდინებაზე არსებული ჰიდროელექტროსადგურია, რომელიც მდებარეობს მდინარე ფარავანსა და მის მარჯვენა შენაკადზე, მდინარე კორხზე, სამცხე-ჯავახეთის რეგიონში, ახალქალაქის მუნიციპალიტეტში.
ახალქალაქის ჰესი შედგება ორი ჰესისგან, რომელთაგან თითოეული მოიცავს სათავე ნაგებობას, ნატურალიზებულ თევზსავალს, მიწისქვეშა სადაწნეო მილსადენს და ჰესის შენობებს.
ახალქალაქი ჰესის ჯამური დადგმული სიმძლავრე არის 9.1 მეგავატი (ახალქალაქი 1 ჰესი 7.5 მეგავატი; ახალქალაქი 2 ჰესი - 1,6 მეგავატი). მისი საშუალო წლიური გენერაცია შეადგენს 49 გიგავატ/საათს. გამომუშავებული ელექტროენერგია, 35 კილოვოლტიანი ძაბვის საჰაერო და საკაბელო გადამცემი ხაზით გადაეცემა ეროვნულ ქსელში.
ახალქალაქი ჰესი-1

ახალქალაქი ჰესი-2

ქსელთან კავშირი
